【聲援良心犯】反駁石永泰 吳靄儀:說非政治檢控是掩耳盗鈴 2017-08-20 蘋果日報

前法律界立法會議員吳靄儀批評法院對雙學三子案的做法,指三位年輕人既已被判社會服務令,而律政司竟再次覆核刑期,是旨在要令三人入獄。她認為政府是要殺雞儆猴,更批評法官楊振權案中判詞非常不當,指有部分判詞內容非法庭語言,令人反感。

早前有報道指,袁國強不理會律政司部門內其他人士的意見,堅持要覆核刑期。吳靄儀認為此事並非問題核心,「喺律政司入面唔同人有唔同意見,唔係一個可做文章嘅嘢,最大力話要覆核刑期嗰個係何君堯,律政司點解要聽呢啲人講嘢?」

吳靄儀認為今次事件的關注點,是袁國強作出刑期覆核刑期的決定,「佢一定要覆核到佢哋(三位年輕人)入獄為止,呢個決定係最令到香港人有意見。」

對於大律師公會前主席石永泰今日說三人是「求仁得仁」,吳靄儀認為涉事年輕人沒有逃避責任,而今次事件屬「政治覆核」。她指其目的是一個殺雞儆猴的政治決定,刻意為難涉事的一班年輕人。吳續指,若說事件不是政治檢控,就是掩耳盗鈴的做法,她稱:「原審法官已判咗佢哋做社服務令,佢哋亦都服咗刑,所以你唔可以話啲後生仔唔啱,點解佢哋已經服咗刑,你都要夾硬覆核到佢哋坐監。」

吳認為,袁國強透過律政司在庭上交代其目的,而今日的遊行正是回應袁國強的覆核決定,反映不滿其違反公義的做法,「律政司做乜嘢決定,檢控唔檢控,覆核唔覆核,永遠係有公眾利益嘅成份,即使你技術上有覆核空間、覆核嘅理據,你作出呢個決定都係一個政治決定。」

對於楊振權的判詞,吳靄儀批評是非常不洽當,「(判詞是)一個法定判決嘅語言,講話一股歪風,我哋睇慣法庭嘅判詞,你(判詞)嘅語言係點,會令市民對法庭有信心或冇信心。如果你的裁決好持平,從法律觀點去睇,尊重被審判嘅人,你最後得出嘅裁決,即使市民未必同意,都唔會對法庭有好嚴重嘅批評。但今次嘅判詞語言,嗰種講法係令人非常之反感,覺得唔係一個法庭嘅語言。」

對於楊振權出席建制派活動,吳靄儀認為應該用較強的理據指出法官做法偏頻,只用一張相片為理據則太弱,「我知道大家心情都唔好,大家都好唔鍾意個法官,但唔能夠憑一張相,唔可以咁樣拖埋落去。唔係去到一個地步話因爲張相,你就話法官靠埋一邊。」

(左圖為姚國雄攝)

http://hkm.appledaily.com/detail.php?issue=20170820&guid=57105028&category_guid=6996647&category=instant

廣告