【DQ補選】梁家傑批選舉主任解釋全為藉口 不和周庭會面「依家係咪驚咗佢啫」

2018-1-27 20:13

香港眾志周庭今日被選舉主任裁定無法參與3月立法會港島區補選,指所屬的政黨支持「民主自決」,不符參選法律規定。公民黨主席兼資深大律師梁家傑接受《852郵報》查詢時指,遞奪參選權的決定極其嚴重,選舉主任做決定前應該首先和周庭會面。他亦憂慮往後會有其他人因類似原因被「DQ」。

港島區選舉主任鄧如欣在有關通知書中指,雖然同黨的羅冠聰於2016年參選時被裁定提名有效,然而每宗個案「須考慮提名期當時的情況」。在周庭的個案中,她考慮了上次選舉後的發展,包括全國人大常委會對《基本法》第104條的解釋。梁家傑批評有關解釋並不詳盡、內容空洞無物,不但沒有法律基礎,更是「冇料到」,「全部都係藉口嚟」。他質疑,周庭既已簽署確認書,選舉主任沒有理由認為她不會擁護基本法和效忠特區政府。

梁家傑指,由於參選權受到《公民權利和政治權利國際公約》保障,褫奪參選權是極其嚴重的決定,「並非可以簡單決定的事(Not something that you can lightly do)」。有關決定既然如此重要,而且選舉主任亦可以在人大釋法後有一個新的理解,「你茅塞頓開,周庭都可能茅塞頓開㗎嘛,咁你唔俾機會佢解釋㗎咩,佢見都冇見過佢喎」,然而選舉主任過去只有就國籍問題聯絡周庭。

梁家傑認為,「如果你做一個咁重要嘅決定,影響咁深遠,你係褫奪咗一個咁基本嘅一個權利話,做法不符合程序公義(procedural justice)同埋自然公義(natural justice)」。他亦質疑選舉主任「依家係咪驚咗佢啫,驚見到佢之後,佢講嗰啲嘢你處理唔到,所以你索性唔見佢」。

對於未來會否繼續有人因類似原因被「DQ」,梁家傑強調這正是令他憤怒的地方。他指本土民主前線前成員梁天琦因為港獨而被拒參選,現時周庭並非提倡港獨,只是想以公投決定2047後何去何從。他指如果自決等於港獨,以後「自立」、「自主」、「我要真普選」和「自己香港自己救」亦可能同樣變成港獨,批評「你咁樣都得,咪即係無限延伸?」

(圖片來源:蘋果日報)

http://www.post852.com/241281/%e3%80%90dq%e8%a3%9c%e9%81%b8%e3%80%91%e6%a2%81%e5%ae%b6%e5%82%91%e6%89%b9%e9%81%b8%e8%88%89%e4%b8%bb%e4%bb%bb%e8%a7%a3%e9%87%8b%e5%85%a8%e7%82%ba%e8%97%89%e5%8f%a3%e3%80%80%e4%b8%8d%e5%92%8c%e5%91%a8/

廣告