【批鬥戴耀廷】李柱銘:我哋需要硬頸嘅人 (蘋果)


李家皓攝

北京、港府及左派連日文革式批鬥港大法律學系副教授戴耀廷,標籤他是港獨分子,再次敲響打壓言論與學術自由、23條重臨的警鐘,民主派今晚7時聯同民陣舉行集會抗議,多位政界元老和立法會議員均到場聲援,並上台發言:

李柱銘

我叫戴做「彬仔」,佢做學生時跟過我。佢好硬頸,我哋需要硬頸嘅人。港獨掉轉講係「獨講」,淨番佢一個講,佢都講;第日坐監,佢都講;人哋預備鎖佢,佢都講區選、立選,有乜法子唔鎖住佢?

吳靄儀

我有兩點要求,唔該唔好講嚟緊會推23條加辣版,因為2003年嗰陣已經夠辣;第二點,言論自由要入罪,只有一個情況,係煽動暴力,大家記住,只要唔係叫人暴力,就無罪。請大家記住,守護香港每一刻,都唔可以鬆懈。

楊岳橋

港珠澳大橋甩晒轆,林鄭話,唔好因一張相而信;但戴講幾分鐘,由林鄭到港澳中聯辦到左仔,就全部信晒,不過係信佢哋自己嗰套,好似中咗降頭。戴講嘅,是將來的假設,咁都打壓,將來不用有創作、學術討論。現在要清楚講:香港唔係畀佢哋搞文革嘅地方,香港唔係俾佢哋亂嚟嘅地方!佢哋而家越踩越埋,各位要繼續撐住。

黃碧雲

今日撐戴,更重要係企硬;港面對大陸化的危機,好多嘢開始唔講得,言論自由有禁區,學術自由有禁區,講結束一黨專政,似乎都唔得,「真係相信基本法,就要令香港同大陸唔同」。土共、建制派爭先恐後要將香港變大陸,但基本法27條話港人有言論自由,34條話有學術研究嘅自由,所以大家要企硬,若不能守住言論自由,做我哋想做嘅研究,一國兩制就玩完,香港都淪陷。

http://s.nextmedia.com/realtime/a.php?i=20180407&s=6996647&a=58045684

廣告